Ораза тұтқан адамға берілетін бес нәрсе
Ораза тұтқан адамға берілетін бес нәрсе

Жабир бин Абдуллах (р.а.) Аллаһ елшісінің (с.а.с.) быай дегенін жеткізеді:

"Үмбетіме рамазан айында бес нәрсе берілді. Бұлар бұрынғы пайғамбарлардың үмбетіне берілмеген:

Біріншісі: Рамазан айының алғашқы түнінде Хақ тағала оларға рақымдылығымен қарайды. Аллаһ кімге рақымдылығымен қараса, оны ешқашан азапқа ұшыратпайды.

Екіншісі: Ораза тұтқандардың ауыздарының иісі Аллаһтың құзырында хош иіс болып саналады.

Үшіншісі: Күндіз-түні періштелер ораза тұтқандардың кешірілуі үшін Аллаһқа жалбарынады.

Төртіншісі: Аллаһ ол күні жұмағына бұйырып: "Ей, жұмақ, құлдарым үшін дайындал, безен. Дүниенің қиындығынан құтылып, менің құзырыма және сыйыма келіп, демалатын уақыттары жақындады" дейді.

Бесіншісі: Рамазан соңғы түні келгенде Аллаһ ораза тұтқан құлдарының барлығын кешіреді".

Бір сахаба "Уа, Аллаһтың елшісі! Бұл қадір түні ме?" - деп сұрады.

Пайғамбарымыз "Жоқ", - деді, "Жұмысшылардың күні бойы жұмыс істеп, жұмыстарын бітіргеннен кейін жалақыларын алатыны білмейсіңдер ме?" 

Мақала "Күнтізбе - 2013" алынған (ҚМДБ)

Diana MuslimaDiana Muslima
1 год назад 1184
0 комментариев
О блоге
0
15571 78 187 217 68