«Бірде Мәдинаның көшелерін басына көтерген әлдебір у-шудан төңірек ел көшкендей азан-қазан болды. «Бұл не шу?» - деп сұраған Айша (р.анһа) анамызға төңірегіндегілер: «Абдуррахман ибн Ауфтың Шамнан келген сауда керуені ғой», - деп жауап береді. Керуенде жүк тиеген жүз түйе бар еді.

Айша анамыз сол кезде: «Мен Пайғамбарымыздың «Абдуррахман ибн Ауфтың жаннатқа еңбектеп кіріп бара жатқанын көрдім» дегенін естіген еді», - дейді.

Бұл сөз Абдуррахман ибн Ауфқа (р.а.) жеткенде:

«Шамам жетсе, еңбектеп емес, екі аяғыммен адымдап кіргім келеді», - деді де, сауаптарын арттыра түсу ниетімен әлгі керуенді жүктерімен қоса Алла жолына атады». 

Мақала "Күнтізбе - 2014" алынған (ҚМДБ)